Në Kosovë është vënë re prania e disa kafshëve të egra dhe të rralla
Instituti i Kosovës për Mbrojtje të Natyrës (IKMN) ka njoftuar se gjatë monitorimit të faunës së egër në vitin 2021 janë siguruar të dhëna për praninë e disa llojeve të rralla të kafshëve në territorin e Kosovës.
Përmes një statusi të publikuar në Facebook, IKMN ka bërë të ditur se disa prej llojeve të faunës së egër të shfaqur në territorin e Parkut Kombëtar “Bjeshkët e Nemuna”, përfshijnë – Rreqebullët (Lynx), Arinjtë e murrmë (Ursus arctos), Dhitë e Egra (Rupicapara) si dhe Kaprollët (Capreolus).
“Në kuadër të aktiviteteve të rregullta për monitorimin dhe inventarizimin e biodiversitetit në zonat e mbrojtura të natyrës, Instituti i Kosovës për Mbrojtjen e Natyrës – IKMN edhe gjatë vitit 2021 ka vazhduar së realizuari aktivitetin e monitorimit të faunës së egër përmes vendosjes së kamerave kurth në zonat e mbrojtura të natyrës”.
“Nga ky monitorim janë siguruar të dhëna për pranin e disa llojeve të rralla të faunës në territorin e Parkut Kombëtar “Bjeshkët e Nemuna”, sikurse janë Rreqebulli (Lynx lynx), Ariu (Ursus arctos), Dhia e Egër (Rupicapra rupicapra) dhe Kaprolli (Capreolus capreolus)”, thuhet mes tjerash në status.
Rrëqebulli – është kafshë e egër mishngrënëse e ngjashme me macen, me trup deri një metër të gjatë, me qime të buta, të dendur e me ngjyrë të murrme lara-lara, me veshë të ngritur e me bisht të shkurtër.
I njohur në gjuhën shkencore si Lynx, është mishngrënësi i tretë për nga madhësia në Evropë, pas ariut dhe ujkut.
Ka pamje karakteristike, me trup të mbledhur dhe këmbë të gjata e me shputa të gjera. Me një kokë të rrumbullakët, veshë të mëdhenj me një xhufkë tipike qimesh në majë, bisht të shkurtër dhe me majë të zezë.
Gëzofin e ka ngjyrë kafe në të kuqërremtë, që vjen duke u zbardhur në pjesët e poshtme të barkut dhe është i mbuluar me pulla të errëta.
Ariu i murrmë (Ursus arctos) – është një specie ariu që është gjetur në pjesën më të madhe Euroazisë veriore dhe Amerikës veriore.
Ndërkaq, në Amerikën e Veriut, popullatat e arinjve të murrmë shpesh quhen “arinjtë grizli”.
Po ashtu, kjo kafshë është një nga anëtarët më të mëdhenj tokësorë të rendit Karnivora , i rivalizuar në madhësi vetëm nga i afërmi i tij më i afërt, ariu polar (Ursus maritimu), i cili është shumë më pak i ndryshëm në madhësi dhe pak më i madh mesatarisht.
Gama kryesore e ariut të murrmë përfshin pjesë të Rusisë , Azisë Qendrore , Kinës , Kanadasë , Shteteve të Bashkuara , Hokaidso , Skandinavisë dhe rajonit të Karpateve , veçanërisht Rumanisë , Anadolli, Ballkanit dhe Kaukazit .
Dhia e egër ballkanike (Rupicapra rupicapra) – i takon klasës së gjitarëve Mammali në radhën e çift-thundrakëve Artiodactyla.
Kjo kafshë mund të arrijë lartësi deri në 80cm, dhe gjatësi deri në 130 cm, ndërsa disa meshkuj më të fortë arrijnë peshë edhe deri në 40 kg.
Ushqimi i tyre përbëhet prej bimëve barishtore, gjethet e reja të shkurreve të larta malore, manaferrat dhe mjedhrat, ndërsa gjatë procesit së konsumit të ushqimit ato mbijetojnë. Jetëgjatësia e tyre është deri në 20 vjet.
Kaprolli (Capreolus capreolus) – i njohur gjithashtu si kaprolli apo kaprolli perëndimor apo evropian është një specie dreri.
Mashkulli i species nganjëherë quhet kaproll.
Kaprolli është një dre i vogël, i kuqërremtë dhe gri-kafe, i përshtatur mirë me mjediset e ftohta. Ndërsa, lloji i tij është i përhapur më tepër në Evropë.